ມາກາບໄຫວ້ພຣະຍານາກ ສຼີສັດຕະນາກຄະຣາຊ
,
ພຣະຍານາຄະຣາຊ 7 ສຽນ 7 ຂົດ ສູງ 7 ແມັດ ນ້ຳໜັກ 7 ໂຕນ ມີລວງຍາວ 32 ແມັດ ເມື່ອວັນທີ 31 ພຶດສະພາ 2022 ກົງກັບວັນຂື້ນ 1 ຄ່ຳ ເດືອນ 7 ໄດ້ມີການເຄື່ອນຍ້າຍພຣະຍານາກຄະຣາຊ
ທີ່ມີການສ້າງຂຶ້ນ ໂດຍພຣະອາຈານຂັດຕະຍະບາຣະມີ ຂະບວນຣົຖຂອງພຣະຍານາຄ ສະເດັດອອກຈາກເມືອງສຸວັນນະໂຄມຄຳຣັດຕະນະເຈດີສີບຸນເຮືອງ (ທາຕຸດອຍມ່ອນ ) ເມືອງຕົ້ນເຜິ້ງ ແຂວງບໍ່ແກ້ວ ຜ່ານເສັ້ນທາງເລກທີ່ 13 ເຫນືອຈາກແຂວງບໍ່ແກ້ວ ຜ່ານຫລວງນ້ຳທາ ແຂວງອຸດົມໄຊ ແຂວງຫລວງພະບາງ, ແຂວງວຽງຈັນ ແລະເຂົ້າສູ່ນະຄອນຫລວງວຽງຈັນ
ເພື່ອມາສະຖິດສະຖາພອນທີ່ວັດໂພທອງ ຫນອງຄຳແສນ ເມືອງຫາດຊາຍຟອງ ນະຄອນຫລວງວຽງຈັນ. ຫລັງຈາກມີການປະກອບ ຕິດຕັ້ງປະດັບປະດາສົມບູນແລ້ວ ຈະມີການສົມໂພດອີກຄັ້ງຫນຶ່ງ.
ໜອງຄຳແສນ ບ່ອນກຳເນີດຂອງພຣະນາກ ສຼີສັດຕະນາກຄະຣາຊ ເມືອງວຽງຈັນ
ໜອງຄຳແສນ ເປັນໜອງນ້ຳທຳມະຊາດ ຕັ້ງຢູ່ເຂດບ້ານຫ້ອມ ຖິ່ນເພຍ ສຼີຖານໃຕ້ ເມືອງຫາດຊາຍຟອງ ນະຄອນຫລວງວຽງຈັນ , ປະຫວັດຂອງໜອງຄຳແສນ ຕິດພັນກັບນາກ ມາແຕ່ບູຮານນະການ ແລະໃກ້ໆແຄມໜອງຄຳແສນນັ້ນກໍ່ມີວັດປ່າໂພທອງ-ໜອງຄຳແສນ
ເພາະເມື່ອກ່ອນມີຜູ້ຖືສິນ (ຊາວບ້ານຮຽນວ່າ ປູ່ລືສືຕາໄຟ ເຄີຍມາບວດແລະຈຳພັນສາຢູ່ວັດແຫ່ງນີ້, ໜອງຄຳແສນ ແຫ່ງນີ້ເປັນເຂດການດູແລຂອງພຣະຍານາກນາໂຄ ເພາະເຂດຊາຍຟອງ-ໜອງຄຳແສນ
ເປັນເຂດຖິ່ນກຳເນີດຂອງພຣະຍານາກອົງທີ່ສຳຄັນ ແລະຫລາຍໆອົງ ເຊັ່ນ : ພຣະຍານາກ ສຼີສັດຕະນາກຄະຣາຊ ກໍ່ກຳເນີດໃນເຂດໜອງຄຳແສນ ແຫ່ງນີເອງ
ຂອບໃຈ ເນື້ອໃນຄົ້ນຄວ້າຊອກຄົ້ນຫາແລະຮີບໂຮມໂດຍ : Houmphet Manisouk
