Uas yog li ntawm nov yog thawj thawj txwm txiv neej hmoob los sib sau ua lub neej nyob rau peb teb chaws Los tsuas.
Hnub i kuv nyuam qhuav los piav txog ib nkawm nraug nplog sib yuav xwb.
Los rau hnub tim 8/04/2023 no, tshwm sim muaj ib nkawm nraug nraug hmoob kuj tau los sib yuav lawm thiab.
Phos xais hawj (Phonesai her) thiab Lis tsab (Lee chang) nkawv muaj txoj kev sib hlub sib raug zoo, nkawv thiaj tau swb nkawv lub cev ntaj ntsug los sib sau sib yuav rau lub ntiaj teb no tau paub tau pom thiab tau ua pov thawj tias nkawv tau los sib yuav lawm tiag.
Nias saib VDO
Nkawv muaj kev hu plig khi tes raws txoj kab txoj kev yam txaus siab hlo.
Nkawv tau muaj ntawv caw ntawv koom txheeb txog rau kwv tij neej tsa nkauj muam nraug nus phooj ywg txhua leej txhua tus tuaj koom ua kev zoo siab rau nkawv lub rooj tshoob nyob rau hauv ib lub tsev tos qhua Xees phib las (ພັດຕະຄານ ເຊນພິລາ) tuam ceeb vias cas.
Nias saib VDO
Saib neb lawm lub kua muag los, vim yog zoo siab uas tau pom neb sib hlub.
Lub rooj tshoob no ua tau lom zem ntws raws txoj kab txoj kev tshoob kev kos hmoob tiam neej tshiab txhua leej txhua tus tuaj koom yam luag ntxhwb ntxhi.
Nrog neb thiab tsev neeg zoo siab, thov kom neb lub neej tsuas sov so ua txij ua nkawm mus txog hnub laus nkoos dawb hau paj paug , sib hlub sib puag txhim kho lub neej ib nqag nto ntuj ib txoog nto ntsis , ua lub neej kom xws li sawv daws vam.
Tus Sau: …https://hmoobntiajteb.com/
